Ni sa hinagap di man lang sumagi

Na siya’y makakarating sa malayong lupain na sa iyo’y kumandili

Ni wala man lang babala sa unang sulyap at pagdadaop ng mga palad…

Subalit, makaraan ang ilang saglit….

ng dahil sa musikang di naman akma sa tema

nabulabog ang pusong namimighati para sa iba…

Walang patawad…sikmura niya’y gustong bumaligtad

Animo’y batang paslit

Na gustong kumanlong sa kandungan ni Ama

Nagulat, nalito, at nanghina…

Siya ngayo’y nagtatanong….

Panginoon, ano po ito?

Kahiwagaan ng lahat

Di maarok ng kanyang dunong

Subalit nandoon ang pagtitiwala

Na sila ay nasa Iyong mga palad………..